Plantun de Prouvènço

Pèr coumpara dos planto d'encò nostre

Malva moschata & Capsella bursa-pastoris subsp. rubella

Malva moschata

Malvaceae

Nom en français : Mauve musquée.

Descripcioun :
Aquesto mauvo, pas gaire coumuno au nostre, trachis dins li relarg umide en mountagno. Se recounèis à si gròssi flour roso (eici dèu èstre la varieta rosea, bessai escapado de jardin), à si fueio mai o mens retaiado, e majamen i fuioun de l'"epicalice" prim e de la loungour di sepalo.

Usanço :
Tóuti li mauvo soun manjadisso. Se manjon li jóuini racino e fueio e peréu li fru que dounon d'èr à de froumage. Tout acò èi bon pèr ajuda à caga, à toussi. Soun peréu de bon remoulissènt.

Port : Grando erbo
Taio : 30 à 120 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Malva
Famiho : Malvaceae

Coulour de la flour : Roso
Petalo : 5
Ø (o loungour) flour : 40 à 70 cm
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Prado de sègo - Champ - Ort
Estànci : Coulinen à Mountagnard
Couroulougi : Eurimediterranenco
Ref. sc. : Malva moschata L., 1753

Bourso-à-pastre

Capsella bursa-pastoris subsp. rubella

Brassicaceae Cruciferae

Àutri noum : Erbo-dóu-cor, Erbo-de-l'evangèli, Carnié-de-pastre, Nastou-fèr, Nestoun.

Nom en français : Bourse-à-pasteur rougeâtre.

Descripcioun :
Aquesto meno de bourso-à-pastre rouginasso, subsp. rubella, trachis dins lis ermas pulèu en basso Prouvènço. Se recounèis à si sepalo roujo e à si siliculo tant larjo que longo e un pau cavado.

Usanço :
A li mémis usanço que sa sorre, la subsp. pastoris.

Port : Erbo
Taio : 5 à 40 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Capsella
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 3 mm
Flourido : Printèms Autouno - Ivèr

Sòu : Ca
Autour basso e auto : 0 à 1200 m
Aparado : Noun
Remarco : Ensalado champanello
Janvié à desèmbre

Liò : Ermas
Estànci : Termoumediterran à Mountagnard
Couroulougi : Bourealo
Ref. sc. : Capsella bursa-pastoris subsp. rubella (Reut.) Hobk., 1869

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Malva moschata & Capsella bursa-pastoris subsp. rubella

ges

Coumpara Mauvo(-muscado) emé uno autro planto

Coumpara Bourso-à-pastre emé uno autro planto